Siyavuş Novruzov: "Adi dron uçuşunu panikaya çevirənlərin qarşısı alınmalıdır"

"Bu gün dünyada informasiya müharibəsi hərbi müharibəni üstələyir. İnformasiya müharibəsi elə aparılır ki, dezinformasiyalar nəticəsində panikalar yaratmaqla, ölkələrdə xaos, anarxiya  və digər addımlar atılır".

 

Sfera.az xəbər verir ki, bunu Milli Məclisin bu gün keçirilən plenar iclasında deputat Siyavuş Novruzov deyib. Onun sözlərinə görə, bu gün bizim ətrafımızda baş verən hadisələr onu göstərir ki, bu informasiya müharibələri uzun gedəcək:

 

"Vaxtilə Rusiya-Ukrayna müharibəsi başlayanda qeyd etdilər ki, 1 həftəyə bitəcək. Artıq 4 ildən artıqdır davam edir və İkinci Dünya Müharibəsini keçib. Hesab etmirəm ki, Yaxın Şərqdə də baş verən hadisələr yaxın zamanda öz həllini tapacaq. O baxımdan informasiya təhülkəsizliyinə ciddi nəzarət olunması vacibdir.  Azərbaycan hərbi hissələrinin dron uçuşunu böyük panikaya çevirməyə cəhd edənlərin qarşısının alınması üçün əhali ilə iş aparılmalıdır. Buna görə deputatların da üzərinə ciddi iş düşür. Həm mətbuatda, həm görüşlərdə bu barədə fikirlər onlara çatdırılmalıdır”.

 

Firuzə Əliyeva

Sfera.az