Gənclərdə kolon xərçəngi: gizli qalan 5 əlaməti
Mütəxəssislər gənc yaşda yaranan kolon xərçənginin səbəblərini araşdırarkən bağırsaq florasındakı dəyişikliklərin böyük rol oynadığını müəyyən ediblər.
Sfera.az bildirir ki, Tibb dünyası gənclər arasında sürətlə yayılan yeni bir təhlükə barədə xəbərdarlıq edir. Uzun illər boyunca yalnız irəli yaş qruplarında rast gəlinən yoğun bağırsaq və düz bağırsaq (kolorektal) xərçəngləri, artıq gənc nəslin də kabusuna çevrilib. Son dövrlərdə aparılan elmi araşdırmalar bu xəstəliyin 45 yaş altındakı fərdlərdə də diqqətçəkən dərəcədə artdığını ortaya qoyur. Xəstəliyin ən qorxulu tərəfi isə onun ilkin mərhələlərdə tamamilə səssiz irəliləməsi və çox vaxt son mərhələdə, yəni çox gec fərq edilməsidir.
Gizli düşmən bağırsaq florası: Günahkar bakteriyalar ola bilərmi?
Mütəxəssislər gənc yaşda ortaya çıxan bu xərçəng növünün səbəblərini araşdırarkən çox mühüm faktlara rast gəliblər. Bildirilir ki, bu müddətdə insan bədənindəki bağırsaq florasında (mikrobiom) baş verən mənfi dəyişikliklər birbaşa təsirli ola bilər. Aparılan tibbi qiymətləndirmələrə görə, bəzi zərərli bağırsaq bakteriyalarının bədəndə istehsal etdiyi toksinlər hüceyrələrin DNT strukturu üzərində dağıdıcı təsir göstərir. Bu DNT zədələnmələri isə hüceyrələrin mutasiyaya uğramasına və xərçəng şişlərinin yaranmasına yol açır.
Gənclərdə gizli qalan və çox vaxt fərq edilməyən əsas əlamətlər:
Xəstəlik gənclərdə adətən başqa adi problemlərlə (məsələn, hemorroy və ya stress) qarışdırıldığı üçün gecikdirilir. Mütəxəssislər aşağıdakı əlamətlərə qarşı son dərəcə diqqətli olmağı tövsiyə edir:
·Nəcisdə qan və ya tünd rəng: Gənclər bunu çox vaxt hemorroy (babasil) zənn edib həkimə getmirlər.
·Bağırsaq vərdişlərinin qəfil dəyişməsi: Heç bir səbəb olmadan başlayan və uzun sürən qəbizlik və ya ishal.
·Səbəbsiz çəki itkisi: Pəhriz saxlamadan sürətlə arıqlamaq.
·Daimi yorğunluq və halsızlıq: Gizli qanaxmanın səbəb olduğu qanazlığı (anemiya) nəticəsində yaranır.
·Qarın nahiyəsində keçməyən spazmlar: Şişkinlik, qaz və qeyri-müəyyən qarın ağrıları.
Ekspertlər gənclərdə bu riskin qarşısını almaq üçün bağırsaq florasını qorumağın, qidalanma vərdişlərinə diqqət etməyin və yuxarıdakı simptomları mütləq izləməyin həyati əhəmiyyət daşıdığını vurğuluayırlar.
Altay