Dünyanın ən çox səyahət edilən ölkələri - ADLAR
Beynəlxalq turizim məlumatlarını araşdıran qlobal təşkilatlar dünya miqyasında ən çox səyahət edilən istiqamətlərin siyahısını yeniləyib.
Sfera.az xəbər verir ki, qlobal səyahət trendlərini izləyən turizm qurumlarının ictimaiyyətə açıqladığı yeni hesabat beynəlxalq ziyarətçilərin sayına əsaslanır.
Səyahətsevərlərin ən çox üstünlük verdiyi populyar mərkəzlər sərhəd qapılarından daxil olan turistlərin sayına görə yenidən sıralanıb.
Rəsmi statistika son dövrlərdə qlobal turizm hərəkətliliyinin müəyyən coğrafiyalarda intensivləşdiyini göstərib. Mədəni irsi, təbii zənginlikləri və inkişaf etmiş turizm infrastrukturu ilə seçilən 10 ölkə milyonlarla turisti qəbul etməyə davam edir.
Hesabatda yer alan və dünya miqyasında ən çox turist cəlb edən ilk 10 ölkə aşağıdakı kimi sıralanıb:
1. Fransa – 100 milyon ziyarətçi
2. İspaniya – 94 milyon ziyarətçi
3. ABŞ – 72.4 milyon ziyarətçi
4. İtaliya – 68.5 milyon ziyarətçi
5. Türkiyə – 52.6 milyon ziyarətçi
6. Meksika – 45 milyon ziyarətçi
7. Honkonq – 44.5 milyon ziyarətçi
8. Böyük Britaniya – 41.2 milyon ziyarətçi
9. Yunanıstan – 40.7 milyon ziyarətçi
10. Yaponiya – 36.9 milyon ziyarətçi
Avropanın köklü mədəniyyət mərkəzlərindən olan Fransa və İspaniya siyahının ilk iki pilləsini bölüşərək liderliklərini qoruyublar. Türkiyə isə Aralıq dənizi hövzəsindəki güclü performansı ilə 52.6 milyon beynəlxalq turisti qonaq edərək qlobal bazarın ən böyük oyunçularından biri olduğunu növbəti dəfə sübut edib.
Siyahının son sıralarında qərarlaşan Yunanıstan və Yaponiya isə səyahətsevərlərin yeni sevimlisi kimi diqqət çəkir. Xüsusilə Uzaq Şərq turlarına tələbatın artması Asiya bazarındakı turist qrafikini hər ötən gün daha da yuxarı daşıyır.
Bəsti Rəfizadə