Kiprdə ölən rusiyalı diplomatın sirli ölümü

“Uralkali”nin keçmiş baş direktoru Vladislav Baumgertnerin sirli şəkildə yoxa çıxmasından sonra Kiprdə Rusiya səfirliyinin əməkdaşı Aleksey Panov da müəmmalı şəkildə vəfat edib. Yerli polis araşdırma aparıldığını bildirir, lakin əlavə məlumat verməkdən imtina edib.

 

Sfera.az xəbər verir ki, Panov Rusiya Baş Qərargahının Baş İdarəsində kapitan vəzifəsində çalışmış ola bilər. “Almaniyada Rusiya Təsir Agentləri” kitabının müəllifi Dmitri Xmelnitski bildirir ki, Panov Kiprə təyin olunmazdan əvvəl Moskvadakı radiotexnika institutunda işləyib və səfirlikdə casus avadanlıqlarının saxlanması da daxil olmaqla müxtəlif vəzifələrdə çalışıb.

 

Rusiya diplomatik missiyasının məlumatına görə, Panov 8 yanvar tarixində vəfat edib, lakin səfirlik bu məlumatı yalnız 12 yanvarda açıqlayıb. Səfirlik Kipr polisini öz ərazisinə buraxmayıb və Panovun yazdığı qeyd barədə məlumat verməyib.

 

Xmelnitski əlavə edib ki, dünyanın hər yerindəki Rusiya səfirlikləri kəşfiyyat mərkəzləri kimi fəaliyyət göstərir və Panovun ölümündən bir gün əvvəl Vladislav Baumgertnerin sirli yoxa çıxması arasında mümkün əlaqə barədə heç bir təsdiqlənmiş məlumat yoxdur.

 

Rusiya hakimiyyəti Panovun ölüm səbəbini açıqlamayıb. Səfirliyin bəyanatında onun ölümünün ailəsi və dostları üçün faciə olduğu qeyd olunub. İnternetdə Panov haqqında ictimai məlumatlar mövcud deyil.

 

Aynil