“Miss Tayland" müsabiqəsinin iştirakçısının səhnədə dişləri düşdü

"Miss Tayland" gözəllik müsabiqəsi zamanı gözlənilməz an yaşanıb.

 

Sfera.az bildirir ki, iştirakçı Kamolvan Çanaqonun səhnədə diş vinirlərinin düşməsi internetdə viral olub.

 

İştirakçı vəziyyəti tez bir zamanda düzəldib, heç nə olmamış kimi çıxış etməyə davam edib və tamaşaçılar onu alqışlamağa başlayıblar.

 

Videoda Kamolvan sakitcə dişlərini düzəldir və çıxış etməyə davam edir. 

 

"Miss Tayland" təşkilatçıları deyirlər ki, bu kimi anlar müsabiqəyə gözlənilməzlik qatır və bu da ictimaiyyətin diqqətini daha da cəlb edir. Bundan əlavə, Kamolvan Çanaqo utancverici anı xarizmasının və daxili gücünün nümayişinə çevirməyi bacarıb.

 

Video dərhal internetdə viral olub və izləyicilər modelin soyuqqanlılığına görə onu alqışlayıblar.

 

Qeyd edək ki, tacqoyma mərasimi 28 mart şənbə gününə təyin edilmişdi. Qalib isə Pattama Jitsawat Çonburi seçilib.

Aynil

Sfera.az