Bu musiqiçiyə dövlət tərəfindən uşaq sahibi olmaq qadağan edilib
Uşaq sahibi olmaq bir çox insan üçün bir xəyaldır. Bununla belə, uşaq sahibi olmaq anlayışına olduqca maraqlı bir perspektivdən yanaşan insanlar da var. Hollandiyalı musiqiçi Jacob Meijer onlardan biridir. 2007-ci ildən bəri Avropada sperma banklarına sperma bağışlayan Meijerin 500-600 arasında uşağın bioloji atası olduğuna inanılır. Bu səbəbdən hollandiyalı musiqiçiyə dövlət tərəfindən daha çox uşaq sahibi olmaq qadağan edilib.
Sfera.az bildirir ki, adı Avropa qəzetlərinin manşetlərində yer alan Meijer olduqca qəribə bir hekayənin qəhrəmanıdır.
1982-ci ildə Hollandiyada anadan olan Jacob Meijer 2007-ci ildən bəri banklara sperma bağışlayır.
Meijerin bu günə qədər 11-i Hollandiyada olmaqla, 13 fərqli sperma bankına donorluq etdiyi təxmin edilir. Bu uzunmüddətli sperma bağışlanması olduqca maraqlı bir vəziyyətə səbəb olub.
Meijerin yüzlərlə uşağın bioloji atası olduğuna inanılır, onların sayı 500 ilə 600 arasındadır.
Lakin Hollandiyada bir insanın 25-dən çox uşaq sahibi olması qanunsuzdur. Sperma donorlarına maksimum 12 qadını hamilə qoymağa icazə verilir. Bununla belə, ən azı 550 qadının Meijer tərəfindən bağışlanan sperma ilə hamilə qaldığı təxmin edilir. Bu qəribə iş Hollandiyada məhkəmədə ortaya çıxıb.
Jacob Meijer sperma banklarına yalan ifadələr verdiyinə görə məhkəməyə verilib.
Holland musiqiçisi həmçinin atası olduğu uşaqların sayı barədə yalan danışmaqda və ianələri vasitəsilə uşaqlarının təsadüfən insest münasibətlərinə girmə riskini artırmaqda ittiham olunub.
Ən azı 550 insanın bioloji atası olduğu düşünülən Jacob Meijerin dövlət tərəfindən uşaq sahibi olması qadağan edilib.
Hollandiyalı musiqiçi müxtəlif təşkilatlara sperma bağışlamağa davam edərsə, böyük bir cərimə ilə üzləşəcək. Lakin, Avropa mətbuatındakı bəzi məlumatlara görə, Meijer sosial media vasitəsilə dediyi kimi, "uşaq sahibi olmaq istəyən qadınlara kömək etməyə" davam edir.
Hakimiyyət orqanları Meijerin uşaqlarının dünyanın hər yerinə səpələndiyinə inanır.
Məsələn, bu uşaqların 375-nin Hollandiyada, 80-nin Almaniyada, 35-nin Belçikada, 4-nün Argentinada və 2-nin Avstraliyada yaşadığı təxmin edilir. Lakin qeyd edildiyi kimi, Meijerin atası olduğu uşaqların dəqiq sayı məlum deyil.
Meijerin 500-600 uşağın atası olduğu düşünülsə də, bəziləri bu rəqəmin daha çox olduğunu iddia edirlər.
Bu, holland musiqiçinin qeyri-rəsmi olaraq sperma bağışladığı qadınların sayının məlum olmaması ilə bağlıdır. Digər tərəfdən, Hollandiya ictimaiyyəti Meijerin adını Hollandiyadakı məhkəmə ilə əlaqədar bu yaxınlara qədər eşitməyib.
2017-ci ildə Jacob Meijerin 102 uşağın bioloji atası olduğu məlum olub.
Qeyd etdiyimiz kimi, Hollandiyada bir insanın maksimum 25 uşaq sahibi olmasına icazə verilir. 2017-ci ildə 102 uşağın bioloji atası olduğu açıqlanan Jacob Meijerin adı Hollandiyadakı sperma bankları tərəfindən qara siyahıya salınıb. Lakin, müxtəlif media orqanlarında yer alan xəbərlərə görə, Jacob Meijerin yalan ifadələr və qeyri-rəsmi kanallar vasitəsilə sperma bağışlamağa davam etdiyi görünür.
Aynil