Bütün dünyanın müzakirə mövzusu olan meymun balasının kədərli həqiqəti
Punç adlı 6 aylıq makaka artıq dünya miqyasında məşhurlaşdığından xəbərsizdir. Tənha kiçik məxluqun doldurulmuş oranqutan oyuncağı ilə tək oynadığını göstərən yüzlərlə video internetdə yayılır. 5 fevral tarixindən etibarən Yaponiyanın Tokio şəhərindən bir az aralıda yerləşən İçikava Zooparkı Punçun doldurulmuş oranqutan oyuncağına çarəsizcə yapışdığı şəklini internetdə paylaşıb. Başlıqda körpənin anası tərəfindən tərk edildiyi deyilirdi.
Sfera.az bildirir ki, foto tezliklə viral hala gəldi, 5 milyondan çox baxış topladı və zoopark ziyarətçilərinin rəğbətinə səbəb oldu.
"Hər gün onun üçün dua edirəm", - deyə “İnstagram” istifadəçilərindən biri yazıb.
İlk paylaşımdan sonrakı həftə ərzində təxminən 8000 insan meymunu şəxsən görmək üçün İçikava Zooparkına gəlib. Bu, ötən ilin eyni dövründə ziyarətçilərin sayından iki dəfə çoxdur.
Bundan sonra bütün dünya turistlər üçün zoopark və məişət tullantılarının yandırılması ilə qızdırılan hovuzdan başqa maraqlı heç nəyi olmayan, yarım milyondan az insanın yaşadığı bu kiçik Yapon şəhəri haqqında məlumat əldə edib.
Artıq internetdə yüzlərlə video yayılıb. Punçun doldurulmuş oranqutan oyuncağı ilə oynadığı, onu özündən iki dəfə böyük olan digər primatlardan qoruduğu əks olunur. Dəstə üzvləri ölümcül dişlərini göstərərək onu lağa qoyurlar. Dəhşətli bir videoda yetkin bir meymunun Punçu Olimpiya çəkici kimi amansızcasına ətrafa atdığı görünür.
Bəs Punçun Hekayəsi necədir?
Punç ötən il 26 iyulda qəfəsdə anadan olub. 24 yaşlı zoopark işçisi Kosuke Şikano dərhal bir şeyin səhv olduğunu anlayıb. Uzun və çətin bir doğuşdan sonra Punçun anası çarəsiz oğluna məhəl qoymamışdı. İşçi onların münasibətlərini düzəltməyə çalışsa da, heç bir nəticə verməyib. Punça nəinki anası məhəl qoymamışdı, həm də dəstəsi tərəfindən tərk edilmişdi.
Bunun niyə baş verdiyinə dair müxtəlif nəzəriyyələr var. Biri doğuşun travması, digəri isə ötən yayın isti havasıdır. Punçun baxıcılarının onu qrupdan çıxarıb əllə yedizdirməkdən başqa çarəsi qalmayıb. O, istilənmək üçün yorğana bükülməli və şüşə ilə yedizdirilməli idi. Amma başqa bir problem var idi. Meymunlar həm təhlükəsizlik, həm də əzələlərini inkişaf etdirmək üçün instinktiv olaraq analarına yapışırlar. Sonra isə oyuncaq ideyası ortaya çıxdı. Punça zürafə də daxil olmaqla bir neçə oyuncaq verilsə də, onun dərhal “İkea”dan alınmış narıncı oranqutan diqqətini çəkib.
Xoşbəxtlikdən, isə görünür, hər şey yaxşı sonluqla başa çatacaq. İçikava Zooparkı bu yaxınlarda elan edib ki, "Punç meymunlar qrupu ilə qarşılıqlı əlaqələrini tədricən dərinləşdirir".
Dəstə tədricən tənha Punçu qəbul edir
Həqiqətən də, o vaxtdan bəri meymunun dəstəsi ilə qarşılıqlı əlaqədə olduğunu, lazımi qayğı aldığını və hətta yaşlı bir meymun tərəfindən qucaqlandığını əks etdirən videolar yayılmağa başlayıb.
Aynil