Sibel Can konsert zamanı göz yaşlarını saxlaya bilmədi
Türkiyənin məşhur müğənnisi Sibel Can İzmirdə keçirilən konsertində duyğusal anlar yaşayıb. Səhnədə sevilən mahnılarını səsləndirən sənətçi ifası zamanı kövrələrək göz yaşlarına hakim ola bilməyib.
Sfera.az xəbər verir ki, son zamanlar şəxsi həyatı ilə bağlı yayılan xəbərlərlə gündəmdə olan Sibel Canın konsertdə yaşadığı emosional anlar tamaşaçıların diqqətini çəkib. İddialara görə, iş adamı Emir Sarıgül ilə münasibətdə olan sənətçinin yaxın zamanda evlənəcəyi barədə də müxtəlif xəbərlər yayılıb.
İzmirdə minlərlə insanın izlədiyi konsertdə sənətçi repertuarında yer alan duyğulu mahnılardan birini ifa edərkən hisslərinə yenik düşüb. Onun kövrəldiyini görən tamaşaçılar alqışlarla dəstək verərək sənətçiyə sevgilərini nümayiş etdiriblər.
Sibel Canın səmimi və təbii davranışı konsert iştirakçıları tərəfindən rəğbətlə qarşılanıb. Həmin anları əks etdirən görüntülər daha sonra sosial şəbəkələrdə sürətlə yayılıb və çoxsaylı istifadəçilər tərəfindən paylaşılıb.
Qeyd edək ki, uzun illərdir Türkiyə musiqisinin ən sevilən simalarından biri hesab olunan Sibel Can həm sənət fəaliyyəti, həm də şəxsi həyatı ilə tez-tez media gündəmində yer alır.
Mənsumə
