“Fənərbaxça”da növbəti transfer -Heyətə kim cəlb olunacaq?
“Fənərbaxça” yay transfer pəncərəsində heyətini gücləndirmək istiqamətində fəaliyyətini davam etdirir. İstanbul təmsilçisinin növbəti hədəfinin İngiltərənin “Mançester Yunayted” klubunun futbolçusu Markus Raşford olduğu iddia edilib.
Sfera.az xəbər verir ki, Türkiyə mətbuatının yaydığı məlumata görə, komanda 27 yaşlı cinah oyunçusunu birdəfəlik tranfer etmək şərti ilə icarəyə götürmək istəyir. Bildirilib ki, ötən mövsümü icarə əsasında “Barselona”da keçirən və müqaviləsindəki transfer bəndi aktivləşdirilmədiyi üçün yenidən “Mançester Yunayted”ə qayıdan Raşfordun gələcəyi hələ dəqiqləşməyib.
Məlumata əsasən, İngiltərə klubu “Fənərbaxça”nın təklifinə müsbət yanaşır. Futbolçunun isə meneceri vasitəsilə gələn təklifləri dəyərləndirdiyi qeyd olunub.
Bununla yanaşı, “Fənərbaxça”nın futbolçusu Kerem Aktürkoğlu da transfer bazarında diqqət mərkəzindədir. İddialara görə, Səudiyyə Ərəbistanının “Əl-Əhli” klubu futbolçunun transferi üçün rəsmi addımlar atıb.
Xəbərdə bildirilib ki, İstanbul təmsilçisi Kerem Aktürkoğlu üçün 35 milyon avrodan yuxarı təklifləri nəzərdən keçirməyə hazırdır. Transferlə bağlı yekun qərarın isə baş məşqçi İsmayıl Kartal və futbolçunun mövqeyindən sonra veriləcəyi gözlənilir.
Beləliklə, “Fənərbaxça” bir tərəfdən Markus Raşfordu heyətinə cəlb etməyə çalışarkən, digər tərəfdən Kerem Aktürkoğlu ilə bağlı daxil olan təklifləri dəyərləndirir.
Bəsti Rəfizadə