Paketa Vinisiusu Marakanaya dəvət etdi

Keçmiş komanda yoldaşları Lukas Paketa ilə Vinisius Cunior arasındakı münasibət hələ də möhkəm olaraq qalır.

 

Sfera.az xəbər verir ki, hazırda “Flamenqo” formasını geyinən yarımmüdafiəçi, dostunu yenidən Marakanada görmək istədiyini gizlətməyib.

Ötən həftə UEFA Çempionlar Liqası çərçivəsində Benfika ilə keçirilən oyunda Vinisiusa qarşı səsləndirilən irqi təhqir iddialarından sonra Paketa açıq şəkildə ona “tam dəstəyini” ifadə edib. O, yaxın dostunun bu çətin dönəmdə tək olmadığını vurğulayıb.

Hazırda “Real Madrid”in ulduzu olan Vinisius Avropada irqçiliyə qarşı mübarizəsini davam etdirir. Bununla belə, Paketa hesab edir ki, onların uzun illər əvvəl qurduğu plan, Cənubi Amerika futbolunda yenidən birlikdə uğur qazanmaq arzusu yaxın gələcəkdə reallaşa bilər.

 

Niyaz Hacıyev
Sfera.az