Ukrayna dronu Qazaxıstan ərazisinə düşdü- VİDEO

Ukrayna Silahlı Qüvvələrinə məxsus pilotsuz uçuş aparatı (PUA) Qazaxıstanın Aktobe vilayətinin ərazisinə düşüb.

 

Sfera.az xəbər verir ki, bu barədə “Mash” teleqram kanalı məlumat yayıb. 

 

Hadisə aprelin 29-da yerli vaxtla səhər saat 08:30 (Bakı vaxtı ilə 07:30) radələrində baş verib. 

 

Belə ki, yerli sakinlər PUA-nın Rusiyanın Orenburq vilayəti ilə sərhəd yaxınlığında yerləşən Alimbetovka kəndi ərazisində düşdüyünü görüblər. İnsanlar həmçinin ağır bir əşyanın yerə düşməsindən yaranan güclü səs eşitdiklərini bildiriblər. 

 

Hadisə yerinə Qazaxıstan hüquq-mühafizə orqanlarının əməkdaşları cəlb olunub. Məsələ ilə bağlı digər təfərrüatlar açıqlanmayıb.

 

Qeyd edək ki, bu gün səhər saatlarında Rusiyanın Orenburq vilayəti Ukrayna tərəfindən dron hücumuna məruz qalıb.