Pakistan hava məkanını qismən bağlayır

Pakistan Hava Limanları İdarəsi mart ayının sonuna qədər kommersiya uçuşları üçün ölkənin hava məkanının qismən bağlanacağını elan edib. Qərarın Yaxın Şərqdə davam edən münaqişə fonunda regional hava əlaqələrində yaranmış genişmiqyaslı fasilələrlə əlaqədar qəbul edildiyi bildirilib.

 

Sfera.az xəbər verir ki, rəsmi məlumata görə, Pakistan şəhərləri ilə Yaxın Şərq istiqamətləri arasında 150-dən çox beynəlxalq uçuş ləğv olunub.

 

Qurumun açıqlamasında qeyd edilib ki, Karaçi və Lahor uçuş məlumatı bölgələrində seçilmiş marşrut seqmentləri çərşənbə axşamı günündən etibarən 31 mart tarixinədək hər gün yerli vaxtla saat 09:00-dan 15:00-dək (GMT ilə 04:00–10:00) əməliyyat səbəblərinə görə əlçatan olmayacaq.

 

Sərnişinlərə uçuş cədvəllərində dəyişikliklərlə bağlı aviaşirkətlərlə əlaqə saxlamaları tövsiyə olunub. Aviasiya rəsmiləri vəziyyətin inkişafından asılı olaraq əlavə qərarların verilə biləcəyini istisna etməyiblər.

Bəsti Rəfizadə
Sfera.az