Sumqayıtda iki nəfər dəm qazından zəhərləndi
Kateqoriya məlum deyil
T
Sumqayıt şəhərində dəm qazından zəhərlənmə faktları qeydə alınıb.
Sfera.az bildirir ki, şəhərin 9-cu mikrorayonunda yaşayan, 2011-ci il təvəllüdlü İsmayıllı Fərid Vüsal oğlu dəm qazından zəhərlənib.
Məlumata görə, zərərçəkən dərhal xəstəxanaya çatdırılıb.
Onun vəziyyətinin orta-ağır olduğu bildirilir. Hazırda Uşaq Xəstəxanasında müalicəsi davam etdirilir.
Digər hadisə şəhərin 22-ci məhəlləsində, Yataqxana 2 ünvanında baş verib.
1987-ci il təvəllüdlü Bağırova Şəbnəm Mirbehbud qızı dəm qazından zəhərlənərək xəstəxanaya yerləşdirilib.
Onun da vəziyyətinin orta-ağır olduğu bildirilir. Zərərçəkən Təcili Tibbi Yardım Xəstəxanasında müalicə alır.
Faktlarla bağlı müvafiq qurumlar tərəfindən araşdırma aparılır.